學習垃圾分類

喺香港居住的時候,倒垃圾係好方便既事。鍾意幾時掉就幾時掉。😁 大型垃圾就自行拎去屋苑垃圾站就可以了。✨

黎到英國,要學習垃圾分類❗及認識倒垃圾時間表❗🧐

四色回收桶

⚫黑色垃圾箱: 鋁罐,玻璃樽,膠樽,鍚紙。

🔵藍色垃圾箱: 癈紙, 包括飲品紙盒及紙皮箱。

🟢綠色垃圾箱: 廚餘及 garden waste。

🔘灰色垃圾箱: 一般垃圾, 即係一般不能 recycle 的垃圾。例如膠袋, 食物包裝袋/盒等等。

recycling bin

剛到埗的我們,好多傢私及日用品需要添置,換言之。。。生產咗好多包裝類既垃圾!! 😅😅 特別係紙皮箱~ Ikea 送來的傢俬嗰啲紙箱啦,我哋由香港空運過黎既物品既紙箱啦。。。已經儲咗一大堆!! 🙈 癈紙係放入自己既藍色垃圾桶,但我哋數量多到, 應該要分好多次先掉得哂~🤷🏻‍♀️ 問過在英港人 whatsapp 群組,除咗放藍色垃圾桶之外,其實可以自己車去 Recycling Centre,但….重點….我哋未有車!!! 💢💢💢 解決既方法唯有自己 cut 到細細塊,逐批放入藍色垃圾桶。YY Dadi 襯早幾日無雨仲有太陽出,就拎埋啲紙皮出花園界紙皮喇~ 🤣 望住張相….唔知內情的話,以為有個阿伯過緊退休生活,無無聊聊喺到界紙皮打發時間 🤣🤣🤣

除咗癈紙之外,”一般垃圾” 我哋都好多。因為 unpack 緊個喼,由香港帶過黎英國既嘢,好多都係用膠袋入住,或者包了 bubble 紙。而灰色垃圾桶係兩星期先收一次添~ 😬😬 我哋尼區係逢星期三收垃圾,我哋到埗當日係星期五,剛剛 miss 咗一次收灰色垃圾桶機會。🤦🏻‍♀️亦即是說,要等接近2星期先可以掉第一次”一般垃圾”。😵 我盡量包得細袋啲,襟扁的,先掉入個灰色垃圾桶。我哋有4包”一般垃圾”,但放了3包, 個灰色垃圾桶已經宣佈滿座‼️😖個蓋仲合唔埋添~ 🤦🏻‍♀️🤦🏻‍♀️🤦🏻‍♀️ 星期二晚我哋就推定去屋企門口,靜待第二朝收垃圾。🚚

第二朝起身,當時大約10點。從房間窗口望出去….OMG‼️‼️‼️個滿滿的灰色垃圾桶仲喺到‼️係咪塞得太滿,唔合規格,所以唔幫我哋倒⁉️⁉️當刻覺得自己勁樣衰🤦🏻‍♀️,拿拿臨叫 YY Dadi 拉返個垃圾桶入黎。好後悔塞到個桶咁滿,而家一包都掉唔到😭😭😭

一個小時後。。。突然聽到屋外有聲,行去窗邊望下。噢❗係垃圾車呀❗❗❗原來個灰色垃圾桶係未收的💢💢係未收‼️唔係太滿唔收呀‼️🤣 YY Dadi 即刻推返個灰色垃圾桶出去,仲問收垃圾的職員可唔可以掉多一袋❓結果我哋就掉哂4袋“一般垃圾”喇~ 😂😂

💟Buyandship UK referral link: (香港寄英國,首磅£9,其後每磅£5。經 Referral Link 登記開新戶,可賺取£2當作運費使用)https://uk.buynship.com/invite/2619140209

💟Top Cash Back Referral Link (To get £10 sign up bonus✨):https://www.topcashback.co.uk/ref/yyfamily

💟FB: https://www.facebook.com/uk.yy.family/

💟IG :https://www.instagram.com/uk_yy_family/

💟Youtube: https://www.youtube.com/channel/UCg0U2RaZmQGIOeNE1hquBDw